рмЖрм╣рнЗ рмпрнАрм╢рнБ рмжрнЯрм╛рммрм╛рмирнНтАМ,
рмжрнЯрм╛ рмдрнБрморнНрмн рморнБрмХрнБрмЯ рмнрнВрм╖рмг,
рмжрнЯрм╛ рмХрнНрм╖рморм╛ рм╕рмдрнНрнЯ рм╢рм╛рмирнНрмдрм┐ рмкрнНрм░рнЗрморм░рнЗ рмкрнВрм░рнНрмгрнНрмг ред рмШрнЛрм╖рм╛ ред
рм╕рнНрн▒рм░рнНрмЧ рм╕рнБрмЦ рмдрнЗрмЬрм┐рм▓,┬а┬а рмормЮрнНрмЪрнЗ рмЕрммрмдрм░рм┐рм▓
рм╕рм╛рмзрм┐рммрм╛рмХрнБ рморнЛрм░ рмкрм░рм┐рмдрнНрм░рм╛рмг,
рморнЛрм░ рм▓рмЧрм╛ рм╣рнЛрмЗрм▓, рморнЛ рмкрм╛рмкрнЗ рммрм│рм┐ рм╣рнЗрм▓, рморнЛ рмжрнБрм░рм┐рмд рмЦрмгрнНрмбрм┐рм▓,
рмЖрм╣рнЗ рмХрнГрмкрм╛рммрм╛рми,
рмЖрм╣рнЗ рмХрнЗрнЬрнЗ рмкрнНрм░рнЗрмо рмХрм▓ рмжрнЗрмЗ рмирм┐рмЬ рмкрнНрм░рм╛рмг ред рнз ред
┬а
┬армХрнБрм╖рнНрмарнА рмЖрмжрм┐ рм░рнЛрмЧрнАрмЩрнНрмХрнБ┬а рмнрнВрмдрмЧрнНрм░рм╕рнНрмд рмкрнНрм░рм╛рмгрнАрмЩрнНрмХрнБ
рмЖрмЬрнНрмЮрм╛рморм╛рмдрнНрм░рнЗ рмХрм▓ рммрм┐рморнЛрмЪрми, рморнГрмдрмЬрмирмЩрнНрмХрнБ рмкрнНрм░рм╛рмг,
рмЬрмирнНрморм╛рмирнНрмзрмЩрнНрмХрнБ рмирнЯрми, рммрмзрм┐рм░рмХрнБ рм╢рнНрм░рммрмг,
рмкрмЩрнНрмЧрнБрмХрнБ рмЧрморми рммрм┐рмирм╛рморнВрм▓рнНрнЯрнЗ рмХрм▓ рмжрм╛рми рм╣рнЛрмЗ рмХрм░рнБрмг ред рни ред
рмкрм╛рмк-рмдрнБрморнЗ рмкрнВрм░рм┐рмд┬а рмерм┐рм▓рм╛ рмПрм╣рм┐ рмЬрмЧрмд
рмШрми рмЕрморм╛рмирм┐рм╢рм╛рм░ рм╕рморм╛рми,
рмзрм░рнНрмо-рмнрм╛рмирнБ рм╕рмжрнГрм╢ рмдрнБрморнНрмнрнЗ рм╣рнЛрмЗ рмкрнНрм░рмХрм╛рм╢ рмкрм╛рмк-рмдрм┐рморм┐рм░ рмирм╛рм╢
рмХрм▓ рмжрнАрмкрнНрмдрм┐ рмжрм╛рми,
рмкрнГрмерм┐рммрнАрм░рнЗ рморнБрмХрнНрмдрм┐рм░рм╛рмЬрнНрнЯ рмХрм▓ рм╕рмВрм╕рнНрмерм╛рмкрми ред рнй ред
рмзрм░рм┐рмЫрм┐ рм╢рнНрм░рнАрмкрнЯрм░┬а┬а┬а┬а рморнБрмБ рмкрм╛рмкрнА рмжрнБрм░рм╛рмЪрм╛рм░,
рмдрнБрморнНрмн рммрм┐рмирм╛ рмирм╛рм╣рм┐рмБ рмЧрмдрм┐ рмЖрми, рмШрнЗрми рморнЛ рмЕрмирнБрмдрм╛рмк,
рмлрнЗрнЬ рморнЛ рм╢рнЛрмХ рмдрм╛рмк, рмХрнНрм╖рморм╛ рмХрм░рм┐ рморнЛ рмкрм╛рмк
рмХрм░ рм╢рм╛рмирнНрмдрм┐ рмжрм╛рми, рморм╛рмЧрнБрмЕрмЫрм┐ рмПрм╣рм┐ рммрм░ рмЖрм╣рнЗ рмХрнНрм╖рморм╛рммрм╛рми ред рнк ред