aahe priyo probhu tumbho chhaamuru

рмЖрм╣рнЗ рмкрнНрм░рм┐рнЯ рмкрнНрм░рмнрнБ рмдрнБрморнНрмн рмЫрм╛рморнБрм░рнБ,

рмХрнЗрмЙрмБрмарм╛рмХрнБ рмпрм┐рммрм┐ рмдрнБрморнНрмн рмжрнГрм╖рнНрмЯрм┐рм░рнБ ?

┬а

рморнЛрм░ рмжрнБрм░рнНрммрм│ рмкрм╛рмкрнАрм╖рнНрма рмЪрм░рмг,

рмХрнЗрмЙрмБрмарм╛рмХрнБ рммрм╛ рмХрм░рм┐рммрм┐ рмЧрморми ?

рмирм╛рм╣рм┐рмБ рмЕрмирнНрнЯ рмкрме,

рмдрнБрморнНрмнрнЗ рморнЛ рмЬрнАрммрми рморнЛ рмкрнНрм░рм╛рмгрмирм╛рме ред рнз ред┬а

┬а

рмпрнЗрмдрнЗрммрнЗрм│рнЗ рмкрм╛рмк рм╣рнЛрмЗ рмкрнНрм░рммрм│, рмЙрмарм┐рмм рмкрнНрм░рмЪрмгрнНрмб рмврнЗрмЙ рмЖрмХрм╛рм░,

рмШрнЛрм░ рмнрнЯ рмХрм░рм┐рмм рмЖрмЪрнНрмЫрм╛рмжрми, рмЖрмХрм╛рм╢рнЗ рмпрнЗрм╣рнНрмирнЗ рморнЗрмШ рмХрнГрм╖рнНрмгрммрм░рнНрмгрнНрмг,

рм╕рнЗрм╣рм┐рмХрм╛рм│рнЗ рморнЛрмдрнЗ, рмХрнЗрм╣рнБ рмирнЗрмм рм╢рм╛рмирнНрмдрм┐ рмирмжрнАрм░ рмдрмЯрнЗ ? ред рни ред┬а

┬а

рмХрнЗрмЙрмБрмарм╛рмХрнБ рморнБрмБ рмХрм░рм┐рммрм┐ рмЧрморми, рми рмжрм┐рм╢рнЗ рмЕрморнГрмд рмирм┐рм░рнНрмЭрм░ рмЕрмирнНрнЯ,

рмдрнБрморнНрмнрмарнБрмБ рмжрнВрм░рмХрнБ рмХрм▓рнЗ рмнрнНрм░рмормг, рмХрнЗ рмжрнЗрмм рморнЛрмдрнЗ рм╕рнНрн▒рм░рнНрмЧрнАрнЯ рмХрм┐рм░рмг ?

рморнБрм╣рм┐рмБ рмжрнАрмирм╣рнАрми, рмШрнЛрм░ рммрм┐рмкрм┐рмирнЗ рм╣рнЗрммрм┐ рмкрмермнрнНрм░рмо ред рнй ред

рмХрнЗрмЙрмБрмарм╛рмХрнБ рморнБрмБ рмХрм░рм┐рммрм┐ рмЧрморми, рм╢рмдрнНрм░рнБ рморнЛрм░ рмХрм░рнЗ рмШрнЛрм░ рмЧрм░рнНрмЬрнНрмЬрми,

рмЧрнНрм░рм╛рм╕рм┐рммрм╛рмХрнБ рмдрм╛тАЩрм░ рмЖрмХрм╛рмВрмХрнНрм╖рм╛ рмнрм╛рм░рнА, рмирм┐рм╢рнНрмЪрнЗ рмжрнБрм░рнНрммрм│ рмкрнНрм░рм╛рмг рмжрнЗрмм рм╕рм╛рм░рм┐,

рм╣рнЗ рмжрнБрм░рнНрммрм│ рммрм│, рмдрнБрморнНрмн рммрм┐рмирм╛ рмХрнЗрм╣рнБ рм╣рнЗрмм рморнЛ рмврм╛рм▓ ред рнк ред

рмХрнНрм╖рнБрмзрм┐рмд рморнБрмБ рмЬрнАрммрми-рм░рнБрмЯрм┐ рмЪрм╛рм╣рнЗрмБ, рмдрнГрм╖рм┐рмд рморнБрмБ рмдрнБрморнНрмн рмкрм╛рмЗрмБ рмзрмХрм╛рмП,

рмЙрм▓рмЩрнНрмЧ, рмжрнБрм░рнНрммрм│, рморнБрмБ рмжрнАрмирм╣рнАрми, рмЦрнЛрмЬрм┐рммрм┐ рмХрнЗрмЙрмБрмарм╛рм░рнЗ рмкрм░рм┐рмдрнНрм░рм╛рмг ?

рм╣рнЗ рмЬрнАрммрмирм╛рмХрм╛рм░, рморнБрмБ рмХрм┐ рмдрнБрморнНрмнрмарм╛рм░рнБ рм╣рнЗрммрм┐ рмЕрмирнНрмдрм░ ? ред рнл ред┬а

┬а

рмдрнБрморнНрмнрнЗ рморнЛрм░ рмЕрмирмирнНрмд рмЬрнАрммрмирмзрми, рмХрнЗрмЙрмБрмарм╛рмХрнБ рморнБрмБ рмХрм░рм┐рммрм┐ рмЧрморми ?

рмдрнБрморнНрмн рммрм┐рмирм╛ рмкрм╛рмЗрм▓рнЗ рмХрнНрм╖рнЯ-рмзрми, рмдрнГрмкрнНрмд рмирнЛрм╣рм┐рмм рморнЛ рмЕрмирнНрмдрмГрмХрм░рмг,

рмдрнБрморнНрмнрмарм╛рм░рнБ рмнрм┐рмирнНрми рм╣рнЗрм▓рнЗ рморнБрмБ рмирм┐рмдрм╛рмирнНрмд рмжрнБрм░рнНрмнрм╛рмЧрнНрнЯ рмЬрми ред рнм ред┬а

┬а

рмпрмжрнНрнЯрмкрм┐ рморнБрмБ рморнБрнЭ рмкрм╛рмкрнА рмЕрмзрмо, рмдрнБрморнНрмнрмарнБрмБ рмжрнВрм░рмХрнБ рмХрм░рнЗ рмЧрморми,

рмЯрм╛рмг рмдрнБрморнНрмнрм░ рмкрнНрм░рнЗрмо-рм░рмЬрнНрмЬрнБ рмзрм░рм┐, рмдрнБрморнНрмн рмЪрм░рмгрмХрнБ рмЖрмг рмУрмЯрм╛рм░рм┐,

рмЖрм╣рнЗ рмкрнНрм░рм╛рмгрмкрмдрм┐, рмХрнЗрмЙрмБ рм╕рнНрмерм╛рмирмХрнБ рморнБрмБ рмХрм░рм┐рммрм┐ рмЧрмдрм┐ ред рнн ред┬а

┬а

рморнГрмдрнНрнЯрнБ рмпрнЗрмЙрмБрмХрм╛рм│рнЗ рмЖрм╕рм┐рмм рморнЛрм░, рмдрнБрморнНрмн рммрм┐рмирм╛ рмХрнЗ рм╣рнЗрмм рмЖрм╢рнНрм░рм╛ рморнЛрм░ ?

рмХрм╛рм╣рм╛рм░ рммрм│рнЗ рморнБрмБ рмЬрнЯ рмХрм░рм┐рммрм┐, рморнГрмдрнНрнЯрнБ рмирм╛рм╣рнБрнЬ рмнрм╛рмЩрнНрмЧрм┐ рмкрмХрм╛рммрм┐ ?

рмЕрмирмирнНрмд рмЬрнАрммрми, рмХрнЗрмЙрмБрмарм╛рмХрнБ рморнБрмБ рмХрм░рм┐рммрм┐ рмЧрморми ред рно ред

┬а

рмдрнБрморнНрмнрмХрнБ рмкрнБрмирм░рм╛рмЧрморми рмжрм┐рмирнЗ рмХрм░рм┐рммрм┐ рмжрм░рнНрм╢рми рммрнНрнЯрнЛрмо-рммрм┐рморм╛рмирнЗ,

рм╕рнЗрмжрм┐рми рмдрнБрморнНрмнрм░ рмХрнГрмкрм╛рм░рнБ рморнБрм╣рм┐рмБ, рморм╣рм╛рмирмирнНрмжрнЗ рм░рмернЗ рмпрм┐рммрм┐ рмкрм│рм╛рмЗ,

рмдрнБрморнНрмн рммрм╛рмХрнНрнЯ рмжрнЗрмЦ рмЕрмЯрнЗ рмЕрмирмирнНрмд рмЬрнАрммрмирмжрм╛рнЯрмХ ред рнп ред

Leave a comment

Your email address will not be published. Required fields are marked *