ହେ ମହା ମହିମ ଅନନ୍ତ ଜୀବନ ଯୀଶୁ ଈଶ୍ୱର ନନ୍ଦନ,
କରିବାକୁ ଦାନ ପରିତ୍ରାଣ ଧନ ହୋଇଲ କେଡ଼େ ନିର୍ଦ୍ଧନ;
ଜନ୍ମ ଲଭିଲ ମନୁଷ୍ୟମତେ,
ସ୍ୱର୍ଗସୁଖ ସିଂହାସନ ଯେତେ,
ତ୍ୟାଗ କଲ ପାପୀଙ୍କର ହିତେ,
କଲ ମହାଶ୍ଚର୍ଯ୍ୟ କର୍ମ କେତେ । ୧ ।
ପାପୀଙ୍କ ନିମିତ୍ତ କଲ ପ୍ରାୟଶ୍ଚିତ୍ତ ପାପୀ ପାପଭାର ବହି,
ଭୋଗିଲ ପାପୀଙ୍କ କ୍ଳେଶ ଲଜ୍ଜା ଦୁଃଖ ନିଜ ପ୍ରାଣ ରକ୍ତ ଦେଇ; ରୁଧିର
କେତେ ବହିଗଲା ଧାର ଧାର,
ତହିଁ ସଙ୍ଗେ ବହେ ଦୟା-ଧାର,
କେତେ ଦୁଃଖ କଲ ଅଙ୍ଗୀକାର,
ସେହି ରକ୍ତେ ପାପ ପରିଷ୍କାର । ୨ ।
କ୍ରୁଶୀୟ ବେଦନା ଦାରୁଣ ଯାତନା ଭୋଗିଲ ମୋର କାରଣ,
ପୃଷ୍ଠେ ପାପଭାର ଶରୀରେ ପ୍ରହାର କେଡ଼େ ଦାରୁଣ କଷଣ !
ଏସନ
ମହାପ୍ରେମ ନୋହିଲା ଦର୍ଶନ,
କଣ୍ଟା ମୁକୁଟ ମୁଣ୍ଡେ ଭୂଷଣ, ହସ୍ତ ପାଦେ କଣ୍ଟାର ମାରଣ,
ଶତ୍ରୁ ପାଇଁ ତେଜିଲ ଜୀବନ । ୩ ।
ଭୟାନକ କ୍ରୁଶ ତୁମ୍ଭେ ନେଲ ବହି ପୁଣି ହେଲ ତହିଁ ବିନ୍ଧା
ମୋର ମହାପାପ ଦେଲା କି ସନ୍ତାପ ଲଜ୍ଜା ଅପମାନ ନିନ୍ଦା ! ସେ କ୍ରୁଶ
ତହିଁ ଭୋଗିଲ ଦୁଃଖ ଅଶେଷ
ଅତି ଅସହ୍ୟ ତହିଁର କ୍ଳେଶ,
ପାପ-ଶତ୍ରୁବଳ ଦର୍ପ ନାଶ,
ତହିଁ ମୋର ଦର୍ପ ପ୍ରତି ଆଶ । ୪ ।
ହୋଇଣ ଧାର୍ମିକ ଭୋଗିଲ କି ଦୁଃଖ ତୁମ୍ଭେ ମୋର ପରିବର୍ତ୍ତେ !
ତୁମ୍ଭ ଦେହ ପ୍ରାଣ ହୋଇଲା ବିଦୀର୍ଣ୍ଣ, ଦେଖି ଚମତ୍କୃତ କେତେ
ଧ ରଣୀ ଦେଖଇ କମ୍ପମାନ ସେ ତତ୍କ୍ଷଣି,
ଅନ୍ଧକାର ହେଲା ଦିନମଣି,
ଗିରିଗଣ ହିଁ ବିଦୀର୍ଣ୍ଣ ପୁଣି,
ସ୍ୱର୍ଗଦୂତେ ଚମତ୍କାର ମଣି । ୫ ।
ଧ ନ୍ୟ ଆହେ ଯୀଶୁ ତବ ପ୍ରେମ ନାମ, କଲ ଦେହ ପ୍ରାଣ ଦାନ,
ମୋର ନାହିଁ ତେଡ଼େ ବହୁମୂଲ୍ୟ ଧନ କରିବାକୁ ପ୍ରତିଦାନ;
ତୁମ୍ଭର ମରଣରେ ଭରସା ମୋହର,
ସେହି ପ୍ରହାରରେ ସ୍ୱାସ୍ଥ୍ୟ ମୋର,
ଆହେ ପ୍ରଭୁ ତବ ଚରଣରେ ସମର୍ପିଲି ଦେହ ଆତ୍ମା ମୋର । ୬ ।
