mono tuhi jaanu naahun ki

рморми рмдрнБрм╣рм┐ рмЬрм╛рмгрнБ рмирм╛рм╣рм┐рмБ рмХрм┐

рмХрм░рнБрмЫрмирнНрмдрм┐ рмирм┐рммрнЗрмжрми рмпрнАрм╢рнБ рмдрнЛ рмдрнНрм░рм╛рмг рмкрм╛рмЗрмБрмХрм┐ ? ред рмШрнЛрм╖рм╛ ред┬а

┬а

рмпрнЗрмЙрмБ рмпрнАрм╢рнБ рмерм░рнЗ, рммрм╣рм┐рмерм┐рм▓рнЗ рмдрнЛрм░ рмкрм╛рмк рмирм┐рмЬ рмкрнГрм╖рнНрмарм░рнЗ

рм╕рнЗрм╣рм┐ рмпрнАрм╢рнБ рмПрм╣рм┐рмХрнНрм╖рмгрнЗ┬а┬а┬а┬а┬а┬а┬а┬а┬а рммрм╕рм┐ рмкрм┐рмдрм╛рмЩрнНрмХ рмжрмХрнНрм╖рм┐рмгрнЗ┬а

рм╣рнЛрмЗрмЫрмирнНрмдрм┐ рмдрнЛ рмормзрнНрнЯрм╕рнНрме рмдрнНрм░рм╛рмг рм╕рм╛рмзрм┐рммрм╛ рмкрм╛рмЗрмБрмХрм┐ ред рнз ред

рм╕рнЗрм╣рм┐ рмпрнАрм╢рнБ рмерм░рнЗ, рммрм╣рм┐рмерм┐рм▓рнЗ рмХрнНрм░рнБрм╢рмХрм╛рма рмЕрмдрм┐ рмХрм╖рнНрмЯрм░рнЗ

рмдрм╣рм┐рмБ рм╣рнЛрмЗ рмХрнНрм╖рмдрмпрнБрмХрнНрмд рм╣рнЗрм▓рнЗ рмдрнЛрм░ рмкрм╛рмЗрмБ рм╣рмд

рмПрммрнЗ рмжрнЗрмЦрм╛рмирнНрмдрм┐ рм╕рнЗ рмХрнНрм╖рмд рмдрнЛрм╣рм░ рм░рмХрнНрм╖рм╛ рмкрм╛рмЗрмБрмХрм┐ ред рни ред

┬а

рмжрнЗрмЦ рмЖрм░рнЗ рморми, рмкрнНрм░рмХрм╛рм╢рм┐рм▓рнЗ рмпрнАрм╢рнБ рмдрнЛрм╣ рмкрнНрм░рмдрм┐ рмХрм┐ рмкрнНрм░рнЗрмо

рмХрм░рмирнНрмдрм┐ рм╕рнЗ рмирм┐рммрнЗрмжрми рмжрм┐рммрм╛рм░рм╛рмдрнНрм░ рмЕрмирнБрмХрнНрм╖рмг

рмПрм╣рм┐ рм╣рнЗрмдрнБ рмдрнЛ рм╕рнБрм░рмХрнНрм╖рм╛, рмПрм╣рм╛ рмЬрмгрм╛ рмирнБрм╣рмБрмЗ рмХрм┐ ? ред рнй ред

рмХрм╣рнБрмЫрм┐ рммрнБрмЭрм╛рмЗ, рмШрнЗрми рмдрнБ рморнЛрм░ рммрмЪрми рм╕рнБрм╕рнНрмерм┐рм░ рм╣рнЛрмЗ,

рмпрнАрм╢рнБ рмдрнЛрм░ рморм╣рм╛ рмкрнБрмгрнНрнЯ рмкрнБрмгрм┐ рмЕрмирмирнНрмд рмЬрнАрммрми,

рмПрмгрнБ рмзрм░ рмдрм╛рмЩрнНрмХ рмкрм╛рмж рмПрммрнЗ рмдрнЛ рморнБрмХрнНрмдрм┐ рмкрм╛рмЗрмБрмХрм┐ ред рнк ред

рмЖрм░рнЗ рморнЭ рморми, рм╣рнЗрм│рм╛ рмХрм░рм┐ рми рмзрм░рнБ рмдрнБ рмпрнАрм╢рнБ рмЪрм░рмг,

рм╢рнБрмнрмХрм╛рм│ рмПрнЬрм┐ рмжрнЗрмЙ,┬а┬а┬а┬а┬а┬а┬а┬а┬а┬а┬а┬а┬а┬а┬а рморнБрмХрнНрмдрм┐ рморм╛рм░рнНрмЧ рмЫрм╛рнЬрм┐ рмжрнЗрмЙ,

рмдрнЗрммрнЗ рмдрм╛рмЩрнНрмХ рммрм┐рмирнБ рм░рмХрнНрм╖рм╛ рмЖрмЙ рмкрм╛рмЗ рмкрм╛рм░рм┐рммрнБ рмХрм┐ ? ред рнл ред

Leave a comment

Your email address will not be published. Required fields are marked *