ରସନା, ତୁ ଆନେ ରସନା ରେ,
କେବଳ ଖ୍ରୀଷ୍ଟଙ୍କ ପ୍ରେମାମୃତ ପାନ ବିନୁ କରୁଛି ମନାରେ । ଘୋଷା ।
ଯୀଶୁ ଖ୍ରୀଷ୍ଟ ଈଶ୍ୱରଙ୍କ ତନୟ ସେ ତ ଅନାଦି ଅନନ୍ତ ଅବ୍ୟୟ,
ଅଜର ଅମର ଭୋଗିଲେ ମରଣ ତୋର ପାପ ପାଇଁ ସିନାରେ । ୧ ।
ନାହିଁ କେହି ତ୍ରିଭୁବନ ମଧ୍ୟରେ ଯୀଶୁ ଖ୍ରୀଷ୍ଟ ପରି ଆଉ ଜଣେରେ
ଆପଣେ ମରିବ ପରକୁ ତାରିବ ଭୋଗିବ ତା ଯାତନାରେ । ୨ ।
କରି ଶତ୍ରୁକୁ ମିତ୍ର ପରି ସ୍ନେହ କିଏ ଦେବ ଆପଣା ପ୍ରାଣ ଦେହ ?
ଖ୍ରୀଷ୍ଟ ପ୍ରେମ କଲେ, ଶତ୍ରୁ ହସ୍ତେ ମଲେ, ଶତ୍ରୁ ପାଇଁ ପ୍ରାର୍ଥନାରେ । ୩ ।
ଧନ୍ୟ ବୋଲ ତାଙ୍କୁ ତୁ ନିରନ୍ତର ସ୍ତୁତି ପ୍ରଶଂସା କର ତୁ ତାଙ୍କର,
ତାଙ୍କୁ କର ଭକ୍ତି, ସେ କରିବେ ମୁକ୍ତି ପୂର୍ଣ୍ଣ କରି କାମନାରେ । ୪ ।
