( рм╕рнНрн▒рм░ : рм░рм╕рмирм╛ рмдрнБ рмЖрмирнЗ рм░рм╕рмирм╛ рм░рнЗ )┬а
рморнЛрмдрнЗ рмпрнАрм╢рнБ рмирм╛рмо рмнрм▓ рм▓рм╛рмЧрнЗрм░рнЗ,
рмирм╛рморнЗ рм╕рнБрммрм┐рморм│ рмкрнНрм░рнЗрмо рмврм│рмврм│ рморнВрм░рмдрм┐ рмЕрмирнНрмдрм░рнЗ рмЬрм╛рмЧрнЗрм░рнЗ ред рмШрнЛрм╖рм╛ ред
рмпрнАрм╢рнБ рмирм╛рмормЯрм┐ рмд рмкрнНрм░рнЗрмо рм╕рнБрмирнНрмжрм░, рмкрнНрм░рнЗрмо рмЕрмЩрнНрмХрнБрм░рм░ рмЖрмжрнНрнЯ рмкрмдрм░;┬а
рмкрнНрм░рнЗрмо рмжрнНрм░рм╛рмХрнНрм╖рм╛рм▓рмдрм╛ рмлрм│рнЗ рмЖрмирморм┐рмдрм╛ рм╣рнГрмжрмХрнБрмЮрнНрмЬ рмкрнБрм░рнЛрмнрм╛рмЧрнЗрм░рнЗ ред рнз ред
рммрм┐рм╢рнНрн▒ рмЬрми рморми рморнЛрм╣ рмормирнНрмдрм░, рморм╣рм╛ рмкрм╛рмдрмХрнА рм╢рм░рмг рмкрмЮрнНрмЬрм░,
рмХрнНрм░рнБрм╢ рмХрм╛рм▓рмнрнЗрм░рнА рморм╣рм┐рморм╛ рмЧрм╛рмЙрмЫрм┐ рмЕрмирмирнНрмд рмкрнНрм░рнЗрмо рмкрнНрм░рм╕рмЩрнНрмЧрм░рнЗ ред рни ред
рмжрнБрмГрмЦ рмжрм╛рммрм╛рмирм│ рм╣рнГрмж-рмХрм╛рмирми┬а┬а┬армирм┐рмжрм╛рм░рнБрмг рмкрмгрнЗ рмХрм▓ рмжрм╣рми┬а
рм╢рмормЗрмБ рмЗрм╖рм┐рмдрнЗ рмпрнАрм╢рнБ рмирм╛рморм╛рморнГрмдрнЗ рмирм┐рм░рморм│ рмкрнНрм░рнЗрморм╛рммрнЗрмЧрнЗрм░рнЗ ред рнй ред
рмпрнАрм╢рнБ рммрм┐рморм│ рмкрнНрм░рнЗрморм░ рм╕рм╛рмЧрм░┬а┬армХрм│рм┐ рмкрм╛рм░рм┐рмм рмХрнЗ рмХрнЗрнЬрнЗ рмЧрмнрнАрм░,
рмормЬрнНрмЬрм┐ рм╣рмЬрм┐рмпрм╛рмПрмБ, рмЦрнЛрмЬрм┐рм▓рнЗ рми рмкрм╛рмП рм╕рмдрнНрмдрм╛ рморнЛрм░ рмЕрмирнБрм░рм╛рмЧрнЗрм░рнЗ ред рнк ред