nirabe kete kandibi jishu he -

ନୀରବେ କେତେ କାନ୍ଦିବି ଯୀଶୁ ହେ
କିଏ ଶୁଣିବ ମୋ କାନ୍ଦଣା
କିଏ ସେ ମୋ ଦୁଃଖ ଦେଖିବ ପ୍ରଭୁ ହେ
କିଏ ଫେଡ଼ିବ ମୋ ଯାତନା (ଘୋଷା)

ପଡ଼ିଛି ପରା ମୁଁ ଚରଣ ତଳେ
ବିକଳେ ପରାଣ କାନ୍ଦ ଆକୁଳେ
ଦିଅ ଦେଖା ହୃଦୟ ସଖା, ନିବାରି ମରମ ବେଦନା || ୧ ||

ସେ ରୂପ ମାଧୁରୀ ଦେଖିବା ଦିନୁ
ନିରବଧୂ ନୀର ଝରେ ନୟନୁ ।
ଅରୂପ ରୂପ ପ୍ରଣୟ-ଦୀପ ଦେଖା ଦେଇ ଲୁଚିଯାଅନା || ୨ ||

ଜାଣିଛି ଅନ୍ତର, ଅନ୍ତରଯାମୀ
ଜାଣିଶୁଣି କିମ୍ପା କନ୍ଦାଅ ପୁଣି
ଆହେ ଦୟାମୟ, କରୁଣା ନିଳୟ ମୋରେ କିମ୍ପା ଉଣା କରୁଣା ||୩||