ଯୀଶୁ ଖ୍ରୀଷ୍ଟ ନାମ ତରୀ
ତହିଁ ଚଢ଼ି ମନ ହୁଅ ପାରି ହେ । ଘୋଷା ।
ଦେଖିଣ ପ୍ରବଳ ପାପର କଲ୍ଲୋଳ ନ ହୁଅ ମନେ ବ୍ୟାକୁଳ,
ଯୀଶୁ ଦୟାମୟ ଅଟନ୍ତି ସହାୟ, ଧରନ୍ତି ହସ୍ତ ବିସ୍ତାରି । ୧ ।
ତାହାଙ୍କ ନିକଟରେ ଯିବାର ନିମନ୍ତେ ନାହିଁଟି ସଙ୍କଟ ଭୟ,
ବିନା ମୂଲ୍ୟେ ତରୀ କରୁଛନ୍ତି ପାରି, ବସିଥାଇ ଭବ ଘାଟେ ହେ । ୨ ।
ଏହି ମାତ୍ରକ ପ୍ରୟୋଜନ ଅଟଇ, ଲୋଡ଼ନ୍ତି ବିଶ୍ୱାସ ଭକ୍ତି,
ଯତ୍ନଶୀଳ ହୋଇ ସଙ୍ଗେ ଗଲେ ନେଇ, ନ ମାଗିବେ ସେ କଉଡ଼ି ହେ । ୩ ।
ମୃତ୍ୟୁ ନଦୀ ପାରି ହୋଇ ଯିବାବେଳେ ମନେ ଦେବେ ସ୍ଥିର ଶାନ୍ତି,
ପାପର ଲହଡ଼ି ପକାଇବେ ଏଡ଼ି, ଲଗାଇବେ ସ୍ୱର୍ଗ-କୂଳେ ହେ । ୪ ।
Click the link below to listen full song and know the tune
