ପାପୀ ବାହୁଡ଼ ବାହୁଡ଼ କୁପଥରୁ,
କିପାଁ ମରିବ ? ଫେର ହେ କୁକର୍ମରୁ । ଘୋଷା ।
ଶୁଣ ପାପୀ ପ୍ରଭୁଙ୍କ ବିନୟ ବଚନ,
ତୁମ୍ଭ ମରଣେ ତୁଷ୍ଟି ନାହିଁ କଦାଚନ,
ପାପୀ ଜୀବନେ ତାଙ୍କ ବହୁ ସନ୍ତୋଷ ଦେଖ,
କେଡ଼େ ପ୍ରେମ ବଚନେ ଡାକନ୍ତି ପାପୀଗଣ,
ଘେନ ହେ ପାପୀଗଣ ତାଙ୍କ ପ୍ରେମ ବଚନ,
କିପାଁ ମରିବ ? ଫେର ପାପରୁ । ୧ ।
ଦେଖ ହେ ତ୍ରାଣକର୍ତ୍ତାଙ୍କ ଅପୂର୍ବ ପ୍ରେମ,
ତୁମ୍ଭ ପାଇଁ ଦେଇଛନ୍ତି ନିଜ ଜୀବନ
ଭୋଗିଲେ ତୁମ୍ଭ ପାପ, ସହିଲେ କି ସନ୍ତାପ !
ଢାଳିଲେ ସେ ରୁଧିର କରିବାକୁ ନିର୍ମଳ,
କରନ୍ତି ନିମନ୍ତ୍ରଣ, ଆସ ପାପୀ ବହନ,
କିପାଁ ମରିବ ? ଫେର ପାପରୁ । ୨ ।
ଶୁଣ ପାପୀ ଧର୍ମାତ୍ମାଙ୍କ ବିନୟ ଡାକ,
ଆସ ଶାନ୍ତି ଦେବେ ସେହି ଘୁଞ୍ଚାଇ ଶୋକ,
କରନ୍ତି ନିମନ୍ତ୍ରଣ ଦେବାକୁ ନୂଆ ମନ,
ହେବ ପରିବର୍ତ୍ତିତ ତୁମ୍ଭ ପାଷାଣ-ଚିତ୍ତ,
ଶୁଣି ଏ ନିମନ୍ତ୍ରଣ ଆସ ଆସ ବହନ,
କିପାଁ ମରିବ ? ଫେର ପାପରୁ । ୩ ।
ଦେଖ ପାପୀ, ଅଟଇ ଏବେ ଶୁଭ ଦିନ,
ହୋଇଛି ଉଦିତ ପରିତ୍ରାଣ-ଅରୁଣ,
ଥାଉଁ ଥାଉଁ ସୁକାଳ ଛାଡ଼ ଅଧର୍ମାଚାର,
ନ ରୁହ କାଲି ପାଇଁ, ଏବେ ଆସ ପଳାଇ,
ଡାକେ ସୁସମାଚାର, ଶୁଣ ସେ ମିଷ୍ଟ ସ୍ୱର,
କିପାଁ ମରିବ ? ଫେର ପାପରୁ । ୪ ।
