ଦୂର ଦୂର ହେ ମୋର ଅବିଶ୍ୱାସ ସତ୍ୱର,
ତ୍ରାଣର ଆଶା ମୋର ଗୁନ୍ଥା ଖ୍ରୀଷ୍ଟ ଉପର । ଘୋଷା ।
ଏହା ସତ୍ୟ ଅଟଇ ମହା ପାପିଷ୍ଠ ମୁହିଁ
ନାହିଁ ମୋ ପୁଣ୍ୟ ଲେସ ମାତ୍ରହିଁ,
ମାତ୍ର ସମ୍ପୂର୍ଣ୍ଣ ପୂଣ୍ୟ ହୋଇଛି ଖ୍ରୀଷ୍ଟେ ପୂର୍ଣ୍ଣ,
ଜାଣେ ମୁହିଁ ତାହାଙ୍କ ପୂଣ୍ୟ ତ୍ରାଣଦାୟକ,
ସେ ପୂଣ୍ୟ ଅଟେ ମୋର ତ୍ରାଣ ପାଇଁ ପ୍ରଚୁର । ୧ ।
ଅଛି ନିଶ୍ଚୟ ମୋର ତ୍ରୁଟି ନାନା ପ୍ରକାର,
ଧ ର୍ମକର୍ମେ ମୁଁ ସିଦ୍ଧ ନୁହଇ; ମାତ୍ର ଭରସା ମୋର ନାହିଁ କର୍ମ ଉପର
ଜାଣେ ମୁଁ କର୍ମେ ତ୍ରାଣ ନ ପାରେ ପାଇ,
ଖ୍ରୀଷ୍ଟେ ବିଶ୍ୱାସ ଅଟେ ମୂଳ ପରିତ୍ରାଣର । ୨ ।
ଅଟେ ମୁହିଁ ପ୍ରମାଣ ବିଶ୍ୱାସେ ଅତି କ୍ଷୀଣ,
ବିଶ୍ୱାସୀ-ନାମକୁ ଅଭାଜନ
ମାତ୍ର ଯେବେ ନିତାନ୍ତ ମୋ ବିଶ୍ୱାସ ଯଥାର୍ଥ
ଜାଣେ ମୁହିଁ ନିଶ୍ଚିତେ ପ୍ରଭୁ ସୁଗ୍ରାହ୍ୟ ମୋତେ
କରିବେ କ୍ଷୀଣ ହେଲେ ହେଁ ବିଶ୍ୱାସ ମୋହର । ୩ ।
ବିଶ୍ୱାସ ମୁଁ ଯାହାକୁ କରିଛି ଜାଣେ ତାଙ୍କୁ
ଅଟନ୍ତି ସେହି ପୂର୍ଣ୍ଣ ଦୟାଳୁ;
ଏ ମୋର ଦୃଢ଼ ବୋଧ, ଧରିଛି ତାଙ୍କ ପଦ,
ନୋହିବି କଦାଚନ ନିରାଶ କେଉଁ କ୍ଷଣ,
ନୋହିବ ନିଷ୍ଫଳ ଭରସା କେବେ ମୋହର । ୪ ।
