рм╣рнЗ рмдрнНрм░рм╛рмгрмХрм╛рм░рнА, рмнрммрм╛рммрнНрмзрм┐ рмдрм░рнА,
рмпрнАрм╢рнБ рмХрм░ рмкрм╛рм░рм┐ ред рмШрнЛрм╖рм╛ ред
рмжрм╛рм░рнБрмг рмнрммрм╛рммрнНрмзрм┐ рмормзрнНрнЯрм░рнЗ рмкрнЬрм┐рмЫрм┐, рморнЛрм╣-рморм╛рнЯрм╛ рмкрмЩрнНрмХрнЗ рммрнБрнЬрм┐ рмпрм╛рмЙрмЕрмЫрм┐,
рмЬрмЮрнНрмЬрм╛рм│рм░ рмЬрм╛рм▓ рморнЛрмдрнЗ рмнрм┐рмбрнБрмЕрмЫрм┐, рмХрм╛рм│ рмХрнБрморнНрмнрнАрм░ рмУрмЯрм╛рм░рм┐ ред рнз ред┬а
┬а
рмирм┐рммрм┐рнЬ рмЕрмирнНрмзрм╛рм░ рмШрнЛрмЯрм┐ рмЖрм╕рнБрмЕрмЫрм┐, рмкрнНрм░рмЪрмгрнНрмб рмкрммрми рмЦрм░рнЗ рммрм╣рнБрмЕрмЫрм┐,
рмкрнНрм░рммрм│ рмдрм░рмЩрнНрмЧ рморнБрмгрнНрмбрм░рнЗ рмнрм╛рмЩрнНрмЧрнБрмЫрм┐, рмкрнНрм░рм╛рмг рм╣рнЗрмЙрмЕрмЫрм┐ рмнрм╛рм░рнА ред рни ред
рмП рмжрнБрмГрмЦ рмХрм╖рмг рм╣рнЗрммрм╛рм░рнБ рмХрмарм┐рми рм╣рнЗрмЙрмЕрмЫрм┐ рм╣рмд рммрнБрмжрнНрмзрм┐ рмЬрнНрмЮрм╛рми рмзрнНрнЯрм╛рми, рморнЛ
┬арммрм┐рм╢рнНрн▒рм╛рм╕-рмзрми рм▓рнБрмЯрм┐рммрм╛ рмХрм╛рм░рмг рмЬрмЧрм┐ рммрм╕рм┐рмЕрмЫрм┐ рмЕрм░рм┐ ред рнй ред
рм▓рнЯрм░ рмирм┐рмХрмЯрнЗ рмбрм╛рмХрнБрмЫрм┐ рмЙрмдрнНрмХрмЯрнЗ, рми рмдрнЗрмЬ рм╕рмЩрнНрмХрмЯрнЗ рм▓рмЧрм╛рмЕ рм╣рнЗ рмдрмЯрнЗ,
рморнЛ рмЖрм░рмд рммрм╛рмгрнА рмжрнЯрм╛ рмЪрм┐рмдрнНрмдрнЗ рм╢рнБрмгрм┐ рмЙрмжрнНрмзрм░рм┐ рмирм┐рмЕ рм╕рнЗ рмкрм╛рм░рм┐ ред рнк ред