ନାହିଁ ଏଡ଼େ କାହାରି ପ୍ରେମ,
ଶତ୍ରୁ ଲାଗି ମୃତ୍ୟୁ ଭୋଗି ସଜୀବ ହେଲେ ତ୍ରିଦିନ । ଘୋଷା ।
ସେହି ପ୍ରଭୁ ଯୀଶୁ ପାପୀଙ୍କ ନିମନ୍ତେ ତେଜି ସ୍ୱର୍ଗଭୁବନ,
ପାପେ ଶ୍ରାନ୍ତ ଭାରାକ୍ରାନ୍ତ, ହୋଇ ତାଙ୍କ ପାଇଁ ହତ
ନିଜ ରକ୍ତ-ପ୍ରାୟଶ୍ଚିତ୍ତେ ତୋଷିଲେ ପିତାଙ୍କ ମନ । ୧ ।
ସେହି ପ୍ରାୟଶ୍ଚିତ୍ତେ ମହାପାପୀ ଜନେ ପାଇଲେ ପରିତ୍ରାଣ,
ପାଉଲ, ପାପିନୀ ନାରୀ, ଚୋରାଦିର ମନ ଫେରି,
ତାଙ୍କ କୃପାରୁ ପାଇଲେ ଅନନ୍ତ ଜୀବନ-ଧନ । ୨ ।
ସେହି ପ୍ରଭୁ ଯୀଶୁ କ୍ରୁଶ କାଷ୍ଠେ ଅତି କଷ୍ଟେ ତେଜିଲେ ପ୍ରାଣ,
ଦୁର୍ଜନ-ନିନ୍ଦିତ-ବାଣୀ ପ୍ରାର୍ଥନା କଲେ ତା’ ଶୁଣି,
ଆହେ ପିତା, କ୍ଷମା କର ଯାହା କଲେ ଏ ଅଜ୍ଞାନ । ୩ ।
