ଆହା ନରାତ୍ମା କି ବହୁମୂଲ୍ୟ ଧନ
ଈଶ୍ୱରଙ୍କ ନିଶ୍ୱାସରୁ ଯାହାର ଉତ୍ପନ୍ନ । ଘୋଷା ।
ସମୁଦାୟ ଜଗତରୁ ରତ୍ନମଣି ସୁବର୍ଣ୍ଣରୁ ଅଟଇ ଯାହା ମୂଲ୍ୟ ଭାରି,
ହଜିଲେ ସେ ଆତ୍ମା ମନ କଦାଚ ନୁହେଁ ପ୍ରାପଣ;
କି ଲାଭ ହେବ ଜଗତ ପାଇଲେ ହେ ମନ । ୧ ।
ପ୍ରଭୁ ଯେଉଁ ଆତ୍ମା ପାଇଁ ନିଜ ଆତ୍ମଜ ପଠାଇ ଜଗତକୁ କଲେ କି ପ୍ରେମ,
ଯେଉଁ ଆତ୍ମା ପାଇଁ ମନ,
ଯୀଶୁ ଭୋଗିଲେ ମରଣ ସେ ଆତ୍ମାଟି ଜଗିଗଲେ କି ଲାଭ ହେ ମନ । ୨ ।
ଯେଉଁ ଆତ୍ମାର ଫେରଣ ଦେଖି ସ୍ୱର୍ଗ ଦୂତଗଣ ସ୍ୱର୍ଗପୁରେ କରନ୍ତି ଗାନ,
ଯେଉଁ ଆତ୍ମା ସଙ୍ଗେ ମନ ସରି ନୁହେଁ ସର୍ବ ଧନ,
ସେ ଆତ୍ମାଟି ହଜିଗଲେ ବ୍ୟର୍ଥ ତୋ ଜୀବନ । ୩ ।
ନୋହିବ ଏ ଆତ୍ମ ନାଶ ଭୋଗିବ ସୁଖ କି କ୍ଳେଶ ସ୍ୱର୍ଗେ ବା ନରକେ ଆହେ ମନ,
କର ହେ ମନ ସାଧନ ଏ ଆତ୍ମାର ପରିତ୍ରାଣ,
ଖ୍ରୀଷ୍ଟ ରକ୍ତେ ଯେଉଁ ଆତ୍ମା କିଣା ଆହେ ମନ । ୪ ।
