рмдрнНрм░рм╛рмгрмХрм░рнНрмдрнНрмдрм╛ рмпрнАрм╢рнБ рм╕рнБрм╢рммрнНрмж рм▓рм╛рмЧрм┐рм▓рм╛ рмХрм░рнНрмгрнНрмгрнЗ рмЖрморнЛрмж,
рмЬрмирнНрморм╛рмЗрм▓рм╛ рмХрм┐ рмЖрм╣рнНрм▓рм╛рмж ред рмШрнЛрм╖рм╛ ред┬а
┬а
рморнБрм╣рм┐рмБ рмкрм╛рмкрнА рмЬрми рмерм┐рм▓рм┐ рмкрм╛рмк рм╢рнЯрмдрм╛рми рмлрм╛рм╢рнЗ рммрмирнНрмзрми,
рморнЛрм░ рммрмирнНрмзрми рмХрм╛рмЯрм┐рмг рмХрм▓рнЗ рморнЛрмдрнЗ рмкрм░рм┐рмдрнНрм░рм╛рмг,
рмХрнНрм╖рморм╛ рмХрм▓рнЗ рмпрнЗрмдрнЗ рморнЛрм░ рмЕрм╕рмВрмЦрнНрнЯ рмкрм╛рмкрм╛рмкрм░рм╛рмз ред рнз ред
рмкрнБрмгрм┐ рмерм┐рм▓рм┐ рморнБрм╣рм┐рмБ рм╢рнЯрмдрм╛рми рмжрм╛рм╕рмдрнНрн▒рм░рнЗ рмжрм╛рм╕ рмпрнЗ рм╣рнЛрмЗ
рмХрм░рм┐ рмдрм╛рмЩрнНрмХ рм░рмХрнНрмдрмкрм╛рмд рмжрм╛рм╕рмдрнНрн▒рм░рнБ рмХрм▓рнЗ рморнБрмХрнНрмд,
рмжрнЗрмЗ рм░рмХрнНрмд рмХрм▓рнЗ рмХрнНрм░рнАрмд, рм╣рнЛрмЗрм▓рм┐ рмдрм╛рмЩрнНрмХрм░ рммрм╛рмзрнНрнЯ ред рни ред┬а
┬а
рме ├┤рм▓рм╛ рмЕрмдрм┐рм╢рнЯ рморнЛ рмЙрмкрм░рнЗ рмкрм╛рмк-рммрнЛрмЭ рмЛрмгрм░ рмжрм╛рнЯ,
рммрм╣рм┐рм▓рнЗ рморнЛ рммрнЛрмЭ рмкрнГрм╖рнНрмарнЗ, рмХрм┐ рмЙрм╢рнНрн▒рм╛рм╕ рмХрм▓рнЗ рморнЛрмдрнЗ !┬а
рморнЛрм░ рморм╣рм╛ рморм╣рм╛ рмкрм╛рмк-рмЛрмг рмХрм▓рнЗ рмкрм░рм┐рм╢рнЛрмз ред рнй ред┬а
┬а
рморнБрм╣рм┐рмБ рмЕрмкрммрм┐рмдрнНрм░ рмкрм╛рмкрмжрм╛рмЧ рмХрм│рмЩрнНрмХрм░рнЗ рмерм┐рм▓рм┐ рмЧрнНрм░рм╕рм┐рмд,
рмкрм╛рмк рмирнЗрм▓рнЗ, рмкрнБрмгрнНрнЯ рмжрнЗрм▓рнЗ рмХрм│рмЩрнНрмХ рморм╛рм░рнНрмЬрмирм╛ рмХрм▓рнЗ;
рмкрм╛рмк рмирм░рмХрм░рнБ рм░рмХрнНрм╖рм╛ рмкрм╛рмЗрм▓рм┐ рмзрм░рм┐ рм╢рнНрм░рнАрмкрм╛рмж ред рнк ред
┬а
┬арморнБрм╣рм┐рмБ рмЕрмнрм╛рмЬрми рмерм┐рм▓рм┐ рмЕрмдрм┐ рмжрнАрмирм╣рнАрми рморнГрмдрнНрнЯрнБ рмЕрмзрнАрми,
рмХрм░рм┐ рморнЛрмдрнЗ рморм╣рм╛ рмкрнНрм░рнЗрмо рмдрнЗрмЬрм┐рм▓рнЗ рмирм┐рмЬ рмЬрнАрммрми,
рморнЛрм░ рмкрм╛рмк рм╣рнЗрмдрнБ рмдрм╛рмЩрнНрмХрнБ рмШрмЯрм┐рм▓рм╛ рморнГрмдрнНрнЯрнБ рмкрнНрм░рморм╛рмж ред рнл ред