jishu moro doya kara

ଯୀଶୁ ମୋର ଦୟା କର ସାହା ନାହିଁ କେହି ମୋର
ଏ ଭବ ସାଗର ଅତି ଭୟଙ୍କର
କେମିତି ମୁଁ ହେବି ପାର… (ଘୋଷା)

ପରୀକ୍ଷା କେତେ ମୋହର ଆସୁଅଛି ବାରମ୍ବାର (୨ଥର)
ଖସିବ କି ପାଦ ମୋର, ହେଉଛି ମନ ଅସ୍ଥିର
ତୁମେ ଏକା ଆଶ୍ରା ମୋର… |୧|

ଆଶା ରହିଛି ମୋହର, ପ୍ରବେଶିବି ସ୍ୱର୍ଗଦ୍ୱାର (୨ଥର)
ଲକ୍ଷ୍ୟଭ୍ରଷ୍ଟ ନୋହୁଁ ମୋର ପାଳିବି ବାକ୍ୟ ତୁମର
ହାତ ଧରି ନିଅ ମୋର… |୨|

ଛ’ଶ ଛଷଠି ନମ୍ବର, ଆସୁଅଛି ତୁରନ୍ତର (୨ ଥର)
କପାଳେ ସମସ୍ତଙ୍କର, ଚିହ୍ନ ଦେବେ ବଳତ୍କାର
ପ୍ରାଣରକ୍ଷା କର ମୋର… |୩|

ସୂଚୀମାଳାକୁ ଫେରନ୍ତୁ