ଯୀଶୁ ନାମ ବିନୁ ନାହିଁ ଅନ୍ୟରେ ତ୍ରାଣ । ଘୋଷା ।
ସେହି ଯୀଶୁ ଦାସାକାରେ ଅଇଲେ ଅବନୀ ପରେ
ପାପୀ ତାପୀ ତାରିବାରେ ହୋଇଲେ ଜନ୍ମ । ୧ ।
କଲେ ମହା ମହା କର୍ମ ମୃତକୁ ଦେଲେ ଜୀବନ
ବଧିରେ ଦେଲେ ଶ୍ରବଣ, ଅନ୍ଧେ ନୟନ । ୨ ।
ଭ୍ରମି ନାନା ଦେଶ ଦେଶ ଦେଲେ ନାନା ସୁପଦେଶ
ଯେହ୍ନେ ଏ ମାନବ ବଂଶ ପାଇବେ ତ୍ରାଣ । ୩ ।
ଅବଶେଷେ ହୋଇ ହତ ପୁଣ୍ୟ ରକ୍ତ କଲେ ପାତ
ଶତ୍ରୁଙ୍କ ପାଇଁ ଏମନ୍ତ କେ ଦେବ ପ୍ରାଣ ? । ୪ ।
ଯୀଶୁ ନାମ ନ ଭଜିଲେ ପଡ଼ିବ ନରକାନଳେ
ତ୍ରାଣ ନାହିଁ କେଉଁ କାଳେ, ଦୁଃଖ ଦାରୁଣ । ୫ ।
ଯୀଶୁରେ ନେଲେ ଶରଣ ନିଶ୍ଚେ ହେବ ପରିତ୍ରାଣ
ଭୁଞ୍ଜିବ ସ୍ୱର୍ଗର ସୁଖ ଅନନ୍ତ ଦିନ । ୬ ।
ଆହେ ଦୀନବନ୍ଧୁ, ଫେଡ଼ କଷ୍ଟ ମୋହର । ଘୋଷା । ତୁମ୍ଭେ ସର୍ବଶକ୍ତିମାନ, ଦୟାରେ ସିନ୍ଧୁ ସମାନ, ତ୍ରିପୁରେ ଅସାଧ୍ୟ କିଛି ନାହିଁ ତୁମ୍ଭର । ୧ । […]
ଆମେ ବିଜୟୀ ହେବା (୩ ଥର) ସେ ଦିନ ମନେ ଅଛି ବିଶ୍ୱାସ ଦୃଢ଼ ବିଶ୍ୱାସ ଆମେ ବିଜୟୀ ହେବା ସେ ଦିନ ଆମେ ଶାନ୍ତି ଆଣିବା (୩ ଥର) […]
ଖ୍ରୀଷ୍ଟ ପ୍ରେମାମୃତ ନିଝର, ଝରୁଅଛି ପ୍ରେମାମୃତ ନିରନ୍ତର ପାନ କର । ଘୋଷା । ସେ ପ୍ରେମନିଧାନ ପ୍ରେମାମୃତ କରିବାକୁ ଜଗତେ ଦାନ ପ୍ରେମେ ନର ଦେହ ଧରି […]
ସୁମଙ୍ଗଳରୂପ ବାରି ନବ ଦମ୍ପତ୍ତି ଉପରି ପଡ଼ୁ ସୁବୃଷ୍ଟିର ପରି ବାହୁଲ୍ୟରେ କରି । ଘୋଷା । ସୁଖ ଶାନ୍ତିର ନିର୍ଝର ଅଟନ୍ତି ଯେଉଁ ଈଶ୍ୱର, କରୁଣା ସଦା ତାଙ୍କର […]
