Jishu tumo pado tole /ଯୀଶୁ ତୁମ ପାଦ ତଳେ

ଯୀଶୁ ତୁମ ପାଦ ତଳେ
ନେଉଅଛି ମୁଁ ଶରଣ
ମୋ ଶରୀର ମୋ ଜୀବନ
କରୁଅଛି ସମର୍ପଣ
ଘେନ ମୋର ଭଙ୍ଗା ଜୀବନ
ଗଢ଼ି ଦିଅ କରି ନୂତନ
ଶୁଣ ଶୁଣ ମୋର କ୍ରନ୍ଦନ
ଆକୁଳେ ଡାକୁଛି ରାଜନ… =0=

ଆସିଛି ଫେରି ପାପ ସ୍ବୀକାରି
ପୂଣ୍ୟ ଚରଣେ ତୁମରି
ଅଶ୍ରୁ ମୋହରି ଯାଉଛି ଝରି
ତବ ପ୍ରେମ ଦେଲେ ସ୍ମରି
ନିଅ ହେ ଆଦରି ବକ୍ଷରେ ତୁମରି
ରଖ ହେ ଆବୋରି ହସ୍ତକୁ ବିସ୍ତାରି
ସବୁ ପାପ ଦୋଷ ଅଧର୍ମ
ତବ ରକ୍ତେ କର ଶୋଧନ
ଶୁଣ ଶୁଣ ମୋର କ୍ରନ୍ଦନ
ଆକୁଳେ ଡାକୁଛି ରାଜନ….=1=

ମୁଁ ଯେ ଅକ୍ଷମ ନୁହେଁ ସକ୍ଷମ
କରିବାକୁ ସେବା ତୁମ
ମୋର କରମ ନୁହେଁ ଉତ୍ତମ
ପାପରେ ମୋର ଜନମ
ମୁଁ ପାପୀ ମୁଁ ଦୋଷୀ ମୁଁ ଅଟେ ଅଧମ
ନାହିଁ ମୋ ଜୀବନେ କିଛି ସୁକରମ
କରୁଅଛି କୋଟି ପ୍ରଣାମ
ଦିଅ ସେବା ଭକ୍ତିର ମନ
ଶୁଣ ଶୁଣ ମୋର କ୍ରନ୍ଦନ
ଆକୁଳେ ଡାକୁଛି ରାଜନ….=2=

ସୂଚୀମାଳାକୁ ଫେରନ୍ତୁ

SONG CREDITS :
Singer : Amit Pani (Gospel Singer)
Lyrics : Amit Badanayak

Leave a comment

Your email address will not be published. Required fields are marked *