କହ ମନ, ଏ କି ମହାଶ୍ଚର୍ଯ୍ୟ ନୁହଇ !
ମୋତେ ଅନାଇଲେ ଯୀଶୁ ସୁଦୟା ବହି । ଘୋଷା ।
ପାପ ଅଧର୍ମରେ ମରିଥିଲି ଯେ ମୁହିଁ,
ଉଠାଇଲେ ମତେ ସେହି ଜୀବନ ଦେଇ । ୧ ।
ପାପ କଙ୍କଳରେ ଥିଲି କଳଙ୍କୀ ହୋଇ,
ନିଜ ରୁଧିର ଦେଇ ସେହି ଦେଲେ ଧୋଇ । ୨ ।
ଖତରାଶିରେ ମୁଁ ଥିଲି ହିନସ୍ତା ହୋଇ,
ରାଜପଦେ ସଂସ୍ଥାପନ କଲେ ଯେ ସେହି । ୩ ।
କେମନ୍ତେ ପଡ଼ିଲି ତାଙ୍କ ମନରେ ମୁହିଁ,
ମୋତେ ଅନାଇଲେ ସେହି ସ୍ୱର୍ଗରେ ଥାଇ । ୪ ।
ପ୍ରେମପାତ୍ର ନ ଥିଲେ କି ସ୍ୱର୍ଗରେ କେହି ?
ଏ ସଂସାରକୁ ମୋ ପାଇଁ ଆସିଲେ ସେହି । ୫ ।
କୀଟମାତ୍ର ମୁହିଁ, ଲୋକେ ଗଣା ନୁହଇ,
ମୋ ବିନା କି ତାଙ୍କ କ୍ଷତି ପାରନ୍ତା ହୋଇ ? । ୬ ।
ଦେଖ ମନ କି ଅଗମ୍ୟ ପ୍ରେମଟି ଏହି !
ପାଇବାକୁ ନ ପାରନ୍ତି ତା ଅନ୍ତ କେହି । ୭ ।
କାଟିବି ଜୀବନ ମୁଁ ତାଙ୍କ ଗୁଣ ଗାଇ,
ଅନ୍ୟ ପ୍ରତିଦାନ ମୋର ଦେବାକୁ ନାହିଁ । ୮ ।
