karunaa kara jishu kara karunaa

କରୁଣା କର ଯୀଶୁ, କର କରୁଣା ହେ । ଘୋଷା ।

ନାହିଁ ହେ ତୁମ୍ଭ ବିନା ନାହିଁ ତୁମ୍ଭ ବିନା

ଦୀନହୀନର ଗତି ଅଧର୍ମ ମାର୍ଜନା ।

ତୁମ୍ଭ ବିନା ଅସାର ମିସରୀୟ ସୁନା,

ନ କର ଊଣା କରୁଣା ହେ । ୧ । 

ଭୋଗୁଅଛ ମୋର ପାଇଁ କ୍ରୁଶୀୟ ବେଦନା,

କରିଅଛ ରକ୍ତପାତ ଭୋଗୀ କି ଯାତନା;

ସେହି ରକ୍ତେ, ସେହି ରକ୍ତେ ଅଟେ ମୁହିଁ କିଣା,

ନ କର ଊଣା କରୁଣା ହେ । ୨ । 

ଯେବେ ମୁହିଁ ଦୀନହୀନ ତ୍ରାଣଧନ ବିନା

ଅବା ମଧ୍ୟ ହେଲେ ପ୍ରଧାନ ପାପୀରେ ଗଣା,

ମୋର ପାଇଁ ସୁପ୍ରଚୁର ତବ ଶ୍ରୀ କରୁଣା,

ନ କର ଊଣା କରୁଣା ହେ । ୩ ।

ଯୀଶୁ ବିନା, ଯୀଶୁ ବିନା ମୁହିଁ ଯାଏ ମରି,

ଯୀଶୁ ରତ୍ନ ଯତ୍ନ ବିନା ଦିନ ଗଲା ସରି,

ଦୀନେ ସୁପ୍ରସନ୍ନେ ରଖ ଶ୍ରୀହସ୍ତ ବିସ୍ତାରି,

ନ କର ଊଣା କରୁଣା ହେ । ୪ ।